Faoi stiúir Chomhairle Cathrach Bhaile Átha Cliath, i gcomhpháirt le Comhairle Contae Átha Cliath Theas, Dún Laoghaire-Ráth an Dúin agus Fine Gall, is é Gaeilge365 an chéad chlár nuálaíochta teanga in Éirinn, atá tiomanta chun go mbeidh an Ghaeilge i gcroílár sheirbhísí na n-údarás áitiúil.

 

Creidimid gur acmhainn ollmhór í an Ghaeilge, lán de féidearthachtaí chun pobail a shaibhriú go cultúrtha, go sóisialta agus go heacnamaíoch. Cé go bhfuil líon na gcainteoirí Gaeilge ag méadú, tá laghdú ar na deiseanna chun í a úsáid. Feicimid ar údaráis áitiúla mar an nasc atá in easnamh chun an bhearna seo a líonadh.

 

Trí lionsa nuálaíochta teanga a chur i bhfeidhm ar bhreis is 1,000 seirbhís údaráis áitiúil — lena n-áirítear na healaíona, leabharlanna, forbairt eacnamaíoch agus fiontraíocht — feicimid an Ghaeilge mar uirlis, ní amháin chun seirbhísí poiblí a fheabhsú, ach freisin chun naisc bríomhara a chruthú i measc pobail.